قارض الشانشيلا

صباح / مساء اللطافة .. هذي أول تدوينه بموقعي، حياكم جميعاً وان شاء الله تكون بداية خير للجيمع وهدف لي عشان اوّثق فيها اهدفي و افكاري وثرثرتي بعد.

فار ؟ ارنب ؟ سنجاب ؟ ايش هذا ؟

اول ما يطالع الشخص بهذا الكائن يوصفه بهذه الكلمات! ما ألوم اي أحد لانه غير متوفر بكثرة عندنا بالسعودية و في دول الخليج، بالاصح نادر عندنا فقط لكن! متواجد بكثرة بالدول الأجنبية مثل امريكا،اوكرانيا الصين واليابان. نرجع للكائن اللطيف اسمه العلمي الشانشيلا من فصيلة القوارض مثل الارانب و السناجب والهامستر كلهم تحت تصنيف فصيلة القوارض. موطنه الاصلي في جبال الأنديز الي تقع بجنوب امريكا والي معروف فيها ببردها القارص وجمال طبيعتها. يعيش الشانشيلا في جحور وشقوش الجبال. الي يميز الشانشيلا شكله الجميل الكيوت اصغر من الارنب بالحجم ويميزه ايظا فروه الناعم جدا واللي يعتبر انعم و اغلى فرو بالعالم.

صورة من جبال الانديز بجنوب امريكا

 

أنواع واشكال الشانشيلا:

في الاصل الشانشيلا شكل ولون واحد الي هو عايش بموطنه الأصلي لكن لم اكتشفوه علماء الطبيعه والحيوان اخذوه وبدو بالتهجين، اتَّكأ العلماء بعلم الوراثة للحصول على الشكل الحالي الي هو معروف ويتربى بالبيت وينباع بمحلات الحيوان حالياً. وبالعلم انتجو من الشانشيلا اللوان، اول لون انتجوه الرصاصي الأصلي بدرجاته لكن مع الوقت انتجو اللون الابيض الألبينو والابيض الهملايا والبني بدرجات والاسود ايظا. 

 الشانشيلا المعروف وموجد بمحلات الحيوانات :

 

سلوك الشانشيلا :

الشانشيلا من اكثرة الحيوانات الاجتماعية سواء مع بعضهم البعض او حتى مع البشر، نادراً ما يصير بينهم مضاربات الا بالنادر مثل فترة حمل الانثى ومثل فترة طلب التزاوج. حيوانات ليّلية يعني نشاطها بفترة المساء اكثر. الشانشيلا الي عندي لاحضتهم نشطين دائماً في فترة المساء وبالصباح بعد لكن! في فترة الظهر نايمين واغماء 🙂 

على العموم هم نشيطين ويحبون يطلعون من القفص عشان يجرون وينطون على كيفهم، واذا انحبسو بالقفص راح يبدون بالانزعاج ويعطونك اشارات معناها خلاص نبي نطلع خرجنا نلعب. 

الشانشيلا من انظف الحيوانات من المستحيل تشم فيها رائحة ابدا، ظروري توفر تراب بركاني يستحمون فيه لأن بطبيعتهم الأصلية في جبال الأنديز الي هي عبارة عن قمم بركانية. فالتراب البركاني يساعد علئ تنظيف فروفهم الجميل ويحميهم من الفطريات، لأنه ينشف فروهم ويعطي لمعة صحية. ف هذي بالنسبة لي اهم نقطة بسلوكهم اذا ما قدرت مستقبلاً توفر هذا الشي لهم!! لا تشتريهم وتظلمهم. 

الذكور بالعادة أولف وأحن بالتربية سهل ترويضهم عكس الاناث يكون طبعهم شقي ومتمردين ويكون فارضين شخصيهم اكثر من الذكور (عن واقع تجربة)، الي حاب يربي شانشيلا واحد فقط مستقبلاً انصحه يكون جنس الشانشيلا ذكر.

يمكن تعليم الشانشيلا على اللتربوكس يعني مثل القطط، يعني صندوق مخصص يقضون فيه حاجتهم وتعليمهم سريع جدا مع شوية صبر لاني فعلاً لاحظت عندي بطبيعة الشانشيلا يقضون حاجتهم بمكان او مكانين معين بالقفص وبالعادة يكون بالزوايا، ولاحظت مو بس الشانشيلا معظم القوارض مثل الارانب والهامستر يقضون حاجتهم بمكان معيّن. 

 

غذاء الشانشيلا :

أعتبر هذي اهم نقطة بالتدوينة للي حيربي شانشيلا! لأنهم لابد لهم غذاء معين و مُراقب بعناية. ليش قلت كذا؟ لأن الشانشيلا حساسين جدا من ناحية الغذاء ولازم يكون اكلهم جاف. راح اختصر الموضوع ببساطة خصوصا للمبتدئين، لابد ان يكون اكل الشانشيلا مكون من ثلاث اشياء رئيسية الي هي: البرسيم، مكعبات البرسيم ، زهور مجففه والماء فقط.

الموضوع مو صعب! البرسيم بمحلات الحيوانات، ومكعبات البرسيم لابد تكون خاصه فيهم للأسف مستحيل نحصلها بمحلات السعودية 🙁 بالعادة اخذهم من الكويت او اطلبهم من موقع امازون. 

الاشياء الممنوعة اكلها للشانشيلا:

الخضروات الطازجة ليه؟ لان فيها الكثير من الرطوبة الي تسبب الانتفاخ وبالتالي هذا يمنع مرور الغازات وقد يؤدي في النهاية إلى الوفاة بسبب تراكم الغاز، نهايكم عن الاسهال الي يسببه لهم. لإن طبيعتهم يأكلون الاكل الجاف فقط. 

الفواكه الطازجة ليه؟ نفس ضرر الخضروات الطازجة و نفس الشي الفواكه المجففه تحتوي على كمية سكر عالية راح تأذيهم على المدى البعيد. مافي مانع ياخذون فواكه مجففه بين فتره وفترة بكميات قليلة كنوع من التدليع لهم ؛) .

المكسرات والبذور ليه؟ لانها تحتوي على نسبة دهون عااالية راح تقتل حيوانك بصمت وانت ماتدري ايش سبب المشكلة.

تكاثر الشانشيلا :

من بعد ٦ الى ٧ شهور يبلغون الشانشيلا وبيكون تزاوجهم بإي وقت بعض الشانشيلا يبدون تزاوج بحدود عمر السنه، والي حاب ينتج الشانشيلا لازم يكون الزوج عمره بحدود السنه تقربيا، لأن لو كمل الشانشيلا عمر السنتين بدون شريك او تزاوج من قبل! راح يكون مستحيل انه ينتج له. الجدير بالذكر ان الشانشيلا ليس لها موسم تزاوج معيّن فترة تزاوجها طول السنة وحتى بعد ولادة انثى الشانشيلا يمكن لها انت تتزاوج مباشرة

مدة حمل الشانشيلا طويلة جدا تعتبر اطول مدة حمل بالقوارض واكثر من معظم بقية الحيوانات بعد!! تصل مدة حمل انثى الشانشيلا من ١١١ يوم الى ١٢٠ يوم تقربياً ٤ شهور تقل ولا تزيد المدة. تولد الانثى من ١ الى ٣ كتس فقط. وبالغالب تولد ١ او ٢ كتس. الكتس يعني صغار الشانشيلا يطلق عليهم كتس kits . 

خلال فترة الحمل يجب عزل الانثى عن الذكر ويفضل تكون لوحدها بقفص، لان اذا حاول الذكر يلقح الانثى في فترة حملها راح يسبب موت للأطفال وهم بداخلها وراح تولدهم اموات، ويكون بسبب إجهاضها.

بالنسبة لتحديد جنس الشانشيلا بيكون صعب اول شهرين لأن بسبب تشابه جهازهم الجنسي تقربياً الذكر والانثى نفس الشي، وحتى وهم كبار بيكون شوي صعب على الي ماعندهم خبرة.

هذي صورة من تصويري لشانشيلاتي بعمر ال ٥ شهور تقربيا، لاحظو المسافة بين الجهاز التناسلي و فتحتة الشرج فرق المسافة واضح.

شكل جهاز التناسلي لشانشيلا بالاناث مخروط رحمي، بينما عنده الذكر مخروط قضيبي وخصيتان (مرئيتان في بعض الأحيان). بالذكور فتحة الشرج بعيدة عن القضيب. في الإناث لا توجد مسافة تقريبًا بين فتحة الشرج ومخروط الرحم.

هذي اخر نقطة راح اتكلم فيها عن قارض الشانشيلا بهذي التدوينة، كرّست نفسي لهذا الموضوع وللأمانه لم اعطي الموضوع حقه لكن حبيت ابين للعالم العربي انه في اشخاص مهتمة في الشي الغريب والنادر مو بس كذا! ناس تستند علئ العلم بهذا المجال وتثقف نفسها وتساعد غيرهم.

هذا المقالة غير منقولة، لذا يُمنع نقلها او استخدامها دون اذني.

عُذراً عالإطاله ..
دُمتم بَحب.

 

تعليقان (2) على “قارض الشانشيلا

اترك رداً على Sultan Alali إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *